【姐妹】

【姐妹】

Lifestyle 生活 · Girl's Talk 女生物。語 · Bloggers 專欄
By Car 姐 on 17 Jun 2017

關於姐妹,Car 姐講既係親姐妹,唔知有幾多人到長大後都 friend過打band

Car 姐屋企有三姐妹,Car 姐就梗係大家姐。由於大妹同我年紀相約,細個時,呀媽總係鐘意將我地打扮成孖公仔,最核突!?

細妹細我好多年,但唔知點解從來無代溝。

姐妹實有嗌交既時候,以前梗有想過一掌打死佢,但一到要借錢買 yes 同 swatch 時就會記得放下屠刀。

Car 姐有一段時間唔喺香港住,大妹會儲錢去探我。唔好以為好簡單呀,以前啲機票邊有好似而家咁平,佢做左一個月美心姐姐先可以去探我呢個家姐。

大個左,大家都無一齊住,但感情絕對無差到。我地會經常 whatsapp 傾偈,又或者互相取笑,又會攞番啲舊事舊相狂笑。始終,呀媽同家姐,會係喺你形象上比你最多童年陰影既人。而只有姐妹,先會可以由細開始經歷,然後無恥咁無限loop到永恆。

我好慶幸同親姐妹關係咁好,你又有無?

unnamed (13)


【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!
笑傲江湖的日子還未能做到;但笑玩江湖既日子,我可以與你細味!

Follow Instagram: girls.presslogic

Share to Facebook