【朋友, 我當你一世朋友….】

【朋友, 我當你一世朋友….】

Lifestyle 生活 · Bestie 閨蜜 · Bloggers 專欄
By Sheman on 04 Jun 2017

中學時喺女枚校讀書, 因為無所謂嘅要喺「男性面前要有儀態及矜持」嘅自覺, 我同我嘅好朋友, 經歷左一個開心又無憂嘅中學時光。

作為女閏蜜, 我地喺地鐵站互相等待、一齊行上山番學、一齊去廁所、每個Lunch一齊食、一齊放學、一齊補習、一齊幻想靚仔偶像係自己男朋友…… 就咁樣, 渡過左中學時期幾個寒暑。
有一年, 我戀愛, 又失戀喇; 好閏蜜並無好似其他人一樣好好安慰我, 只係喺我身邊冷冷咁問唔明點解要為個衰人傷心, 甚至帶點嘲笑。原來, 真正嘅好朋友並唔會講過多安慰嘅說話。因為某個時候, 安慰反而變得虛偽。當時我就學識, 朋友嘅真正義並不只喺妳需要嘅時候陪住妳, 仲要喺適當嘅時候鬧醒妳。
我以為我地嘅友情係「情比金堅」、會「白頭到老」。但原來友誼同愛情一樣, 無聲無息間, 兩個人都可以漸行漸遠。預科時, 因為大家嘅學校唔再一樣, 我倆好似淡出對方嘅生活圈子。我地無爭吵、無誤會, 但就係靜悄悄咁消失喺大家嘅世界。

好久不見後嘅一次聚會, 我發現我地唔再好似以前一樣所不談, 我開始去揣摩好閏蜜對我說話嘅語氣, 避重就輕咁講出我嘅感覺。原來我地長大喇, 番唔到去以前喜怒哀樂都可以表露嘅年紀。
其實我有好多次主動想要跟好閏蜜好好重聚, 但「大家都忙」彷彿已經成為推倒約會嘅藉口。久而久之, 我都失去左主動邀約嘅動力。我記得, 中學時我曾經承諾, 我要搵伴娘嘅話, 好閏蜜永遠係我不二人選, 而佢曾經都同我講同樣嘅說話; 但今日我重提呢句說話時, 好閏蜜卻話唔會搵我, 因為我會搶走風頭。可能係佢一句戲語, 但小時候嘅承諾已經除住時間慢慢變成一句玩笑話。

或者除住年紀同環境唔同,身邊 出現嘅「朋友」都會有所改變, 「好閏蜜」呢個位置亦會由唔同人去除代。但係「好閏蜜」曾經帶俾我愉快嘅回憶, 一齊經過嘅青春經歷, 卻係一世唔會變調嘅人生插曲。

如果妳現時身邊嘅好閏蜜, 仍然係你小時候嘅同一人,咁就一定要好好珍惜。因為妳唔會想體驗到, 見證一段好友情慢慢變味係一種點樣嘅滋味。

girl

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!
小時候一直被人笑我是She is a Man. 我卻告訴自己, 要活得”As Soft As a Woman; As Strong As a Man.” 在客服業打滾多年, 已不是新手職員, 又不是高階經理。 就跟所有80後一樣, 還在努力尋找自己應有的位置。

Follow Instagram: girls.presslogic

Share to Facebook